ନୂଆଦିଲ୍ଲୀ : ଆମେରିକାରେ ହେଲିକପ୍ଟର ସହ ଯାତ୍ରୀବାହୀ ବିମାନ ଧକ୍କା । ୱାସିଂଟନ ଅନ୍ତର୍ଜାତୀୟ ବିମାନବନ୍ଦରରେ ଦୁର୍ଘଟଣା । ବିମାନ ଅବତରଣ ବେଳେ ଦୁର୍ଘଟଣା । ୱାସିଂଟନ୍ ଡିସିର ରେଗାନ ନାସନାଲ ଏୟାରପୋର୍ଟ ନିକଟରେ ଅବତରଣ ପୂର୍ବରୁ ଏଭଳି ଏକ ବଡ଼ ଦୁର୍ଘଟଣା ହୋଇଛି । ଏଥିରେ ବହୁ ସଂଖ୍ୟାରେ ବିମାନ ଯାତ୍ରୀଙ୍କ ମୃତ୍ୟୁ ହୋଇଥିବା ଆଶଂକା କରାଯାଉଛି । ଦୁର୍ଘଟଣା ପରେ ପୋଟୋମାକ୍ ନଦୀକୁ ଖସି ପଡ଼ିଛି ବିମାନ । ଘଟଣା ସ୍ଥଳରେ ଉଦ୍ଧାର କାର୍ୟ୍ୟ ଜାରି ରହିଛି । କାନସାସ୍ ରୁ ୱାସିଂଟନ ଡିସି ଆସୁଥିଲା ଯାତ୍ରୀବାହୀ ବିମାନ । ବିମାନରେ ମୋଟ ୬୦ ଯାତ୍ରୀଙ୍କ ସହ ୪ ଜଣ କ୍ରିଉ ମେମ୍ବର ଥିଲେ। ଏହି ଘଟଣା ପରେ ଏୟାରପୋର୍ଟର ସମସ୍ତ ଉଡାଣକୁ ରଦ୍ଦ କରାଯାଇଛି । ରୋନାଲ୍ଡ ରୀଗନ ନେସନାଲ ଏୟାରପୋର୍ଟ ବୁଧବାର ବିଳମ୍ବିତ ରାତିରେ ଏହି ଘଟଣା ବିଷୟରେ ସୂଚନା ଦେଇଥିଲା ।
