ନୂଆଦିଲ୍ଲୀ : ଭାରତ ବିପକ୍ଷ ୫ମ ଟେଷ୍ଟ ଖେଳିବେନି ଇଂଲଣ୍ଡ ଅଧିନାୟକ ବେନ ଷ୍ଟୋକ୍ସ । ଆହତ ସମସ୍ୟା ପାଇଁ ଖେଳି ପାରିବେନି । ତାଙ୍କ ସ୍ଥାନରେ ଓଲି ପୋପ ନେବେ ଦାୟିତ୍ୱ । ଏଥି ସହ ଇଂଲଣ୍ଡ ଚୂଡାନ୍ତ ଏକାଦଶରେ ୪ଟି ପରିବର୍ତ୍ତନ ନେଇ ସୂଚନା ଜାରି । ଷ୍ଟୋକ୍ସଙ୍କ ସମେତ ସ୍ପିନର ଲିଆମ୍ ଡସନ୍ ଏବଂ ଦ୍ରୁତ ବୋଲର ଜୋଫ୍ରା ଆର୍ଚର ଓ ବ୍ରାଇଡନ୍ କାର୍ସ ମଧ୍ୟ ଦଳରୁ ବାଦ୍ ପଡ଼ିଛନ୍ତି । ତାଙ୍କ ସ୍ଥାନରେ ଯୁବ ଖେଳାଳି ଜ୍ୟାକବ୍ ବେଥେଲଙ୍କୁ ସୁଯୋଗ ଦିଆଯାଇଛି, ଯିଏକି ୬ ନମ୍ବର ସ୍ଥାନରେ ବ୍ୟାଟିଂ କରିବେ । ଏହାଛଡ଼ା ଦ୍ରୁତ ବୋଲିଂ ବିଭାଗକୁ ମଜବୁତ୍ କରିବା ପାଇଁ ଗସ୍ ଆଟକିନସନ୍, ଜେମି ଓଭରଟନ୍ ଏବଂ ଜୋଶ୍ ଟଙ୍ଗଙ୍କୁ ଦଳରେ ସାମିଲ କରାଯାଇଛି ।
