ନୂଆଦିଲ୍ଲୀ : ଲ୍ୟାଣ୍ଡଫଲ ପରେ ବିପର୍ଯ୍ୟୟ ଘଟାଇଲା ବାତ୍ୟା ବିପର୍ଯ୍ୟୟ । ଗୁଜୁରାଟ କଚ୍ଛ ଉପକୂଳରେ ବ୍ୟାପକ କ୍ଷୟକ୍ଷତି । ୨ ମୃତ । ୨୨ ଜଣ ଆହତ ହୋଇଥିବା ବେଳେ ୨ ଜଣଙ୍କ ମୃତ୍ୟୁ ସୂଚନା । ୧୪୫ ବେଗରେ ପବନ ବହିବାରୁ ଉପୁଡିଲା ବିଦ୍ୟୁତ ଖୁଣ୍ଟ । ୯୪୦ ଗାଁ ଅନ୍ଧାରରେ , ଭୁଜ୍ ଓ ଦ୍ୱାରକାରେ ବିଦ୍ୟୁତ ସରବରାହ ବନ୍ଦ । ଏବେ ଦୁର୍ବଳ ହୋଇ ରାଜସ୍ଥାନ ମୁହାଁ ବାତ୍ୟା । ବାତ୍ୟାର ଆଖି ଅତିକ୍ରମ କଲାବେଳକୁ ପବନର ବେଗ ୧୫୦ରୁ ୧୬୦ କିଲୋମିଟର ରହିବ । ପ୍ରବଳ ବର୍ଷା ସାଙ୍ଗକୁ ଜୋରରେ ବହୁଛି ପବନ । କୂଳ ଲଂଘି ମାଡ଼ି ଆସିଲା ସମୁଦ୍ର ।
କଛରୁ ଦ୍ୱାରକା ପର୍ୟ୍ୟନ୍ତ ପ୍ରଳୟ ଦେଖିବାକୁ ମିଳିଛି । ବାତ୍ୟାର ବଡ଼ ପ୍ରଭାବ କଚ୍ଛ, ଦ୍ୱାରକା, ପୋରବନ୍ଦର, ଜାମନଗର, ରାଜକୋଟ, ଜୁନାଗଡ଼ ଓ ମୋରବୀରେ ଦେଖିବାକୁ ମିଳିଛି । ଏନଡିଆରଏଫର ୧୮ଟି ଟିମ୍ ଓ ଏସଡିଆରଏଫର ୧୨ଟି ଟିମ୍ ବିଭିନ୍ନ ସ୍ଥାନରେ ମୁତୟନ ହୋଇଛନ୍ତି । କୋଷ୍ଟଗାର୍ଡ ସହ ସ୍ଥଳସେନା ଓ ବାୟୁସେନା ସଜାଗ ରହିଛନ୍ତି । ପ୍ରଭାବିତ ଆଶଙ୍କା ଥିବା ଜିଲ୍ଲାରେ ନୌସେନାର ୧୫ ଜାହାଜ ଓ ୪ଟି ହେଲିକପ୍ଟର ପ୍ରସ୍ତୁତ ରହିଛି । ଲକ୍ଷେ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଥିଲା । ୭୬ ଟ୍ରେନ୍କୁ ବାତିଲ କରାଯାଇଥିଲା । ଜାମନଗର ବିମାନବନ୍ଦରରୁ ଆସନ୍ତାକାଲି ଯାଏ ବିମାନ ସେବା ବାତିଲ କରାଯାଇଛି ।
