ଭୁବନେଶ୍ୱର : ବିଜେଡି କର୍ପୋରେଟର ଅମରେଶ ଜେନାଙ୍କ ନାଁରେ ସଙ୍ଗୀନ ଅଭିଯୋଗ । ବିବାହ ପ୍ରତିଶ୍ରୁତି , ଦୁଷ୍କର୍ମ ଓ ଗର୍ଭ ନଷ୍ଟ ଭଳି ସଂଗୀନ ଅଭିଯୋଗ ଆସିଛି । ଏହାକୁ ନେଇ ଯୁବତୀ ଜଣକ ଲକ୍ଷ୍ମୀସାଗର ଥାନାରେ ଅଭିଯୋଗ କରିଛନ୍ତି । ମାମଲା ରୁଜୁ କରି ପୋଲିସ ବିଏନଏସର ଦଫା-୧୮୩ ରେ ପୀଡିତାଙ୍କ ବୟାନ ରେକର୍ଡ କରିଛି । ଏହାସହ କ୍ୟାପିଟାଲ୍ ହସ୍ପିଟାଲରେ ଯୁବତୀଙ୍କ ଡାକ୍ତରୀ ମାଇନା ହୋଇଛି । ଏପଟେ ପୀଡ଼ିତାଙ୍କ ଅଭିଯୋଗ ନେଇ ଅମରେଶ ଜେନାଙ୍କ ପ୍ରତିକ୍ରିୟା ମିଳିପାରିନି ।
ତେବେ ନାରୀ ସୁରକ୍ଷା ଦିଗରେ ବିଜେଡି ରାଜ୍ୟ ସରକାରଙ୍କୁ ଘେରୁଥିବା ବେଳେ ବର୍ତ୍ତମାନ ବିଜେଡି କର୍ପୋରେଟରଙ୍କ ନାଁରେ ଥିବା ସଂଗୀନ ଅଭିଯୋଗକୁ ନେଇ କଣ ପଦ କ୍ଷେପ ଦଳ ନେଉଛି ତାହା ଦେଖିବାକୁ ରହିଛି । ଅନ୍ୟପଟେ ଏହି ଘଟଣା କେତେଦୂର ସତ ତାହା ମଧ୍ୟ ଜଣା ପଡିନି । ଏହି ଘଟଣା କେଉଁ ସମୟର ? ଆଗରୁ ଯୁବତୀ ଜଣଙ୍କ କାହିଁକି ଅଭିଯୋଗ କରି ନ ଥିଲେ ? ତାଙ୍କ ପ୍ରତି ଚାପ ରହିଥିଲା କି ? ବର୍ତ୍ତମାନ କାହିଁକି ମୁହଁ ଖୋଲିଲେ ? ତାକୁ ନେଇ ସାଧାରଣରେ ଅନେକ ପ୍ରଶ୍ନ ଉଠିଛି । ତେବେ ଏହାକୁ ନେଇ କର୍ପୋରେଟର ଅମରେଶ ଜେନାଙ୍କ ପ୍ରତିକ୍ରିୟା ମିଳି ପାରିନି ।
