ବାଲେଶ୍ୱର : ଏଫଏମ କଲେଜ ଛାତ୍ରୀ ଆତ୍ମାହୁତି ମାମଲା । ଏଫଏମ କଲେଜରେ କ୍ରାଇମବ୍ରାଞ୍ଚ ଡିଜି ବିନୟତୋଷ ମିଶ୍ର । ଚତୁର୍ଥ ଦିନରେ କ୍ରାଇମବ୍ରାଞ୍ଚ ଟିମର ଖୋଳତାଡ । ଘଟଣାରେ ଅଧିକ ତଥ୍ୟ ହାସଲ ପାଇଁ ପଚରାଉଚରା ।
ଏଫ୍ଏମ୍ କଲେଜ ଛାତ୍ରୀ ଆତ୍ମାହୁତି ଘଟଣାକୁ ସପ୍ତାହେ ବିତିଥିବା ବେଳେ ୩ଟି ସଂସ୍ଥା ଗତକାଲି ତଦନ୍ତ କରିଥିବା ଜଣାପଡ଼ିଛି। ଆଇସି କମିଟି ସଦସ୍ୟ, ମୃତ ଛାତ୍ରୀଙ୍କ ସାଙ୍ଗସାଥୀ, ବିଏଡ୍ ବିଭାଗର ଛାତ୍ରଛାତ୍ରୀ ଏବଂ ପୁରାତନ ଛାତ୍ରଛାତ୍ରୀ ତଦନ୍ତ ପରିସରଭୁକ୍ତ ହୋଇଛନ୍ତି। ତଦନ୍ତକାରୀ ସଂସ୍ଥାଗୁଡ଼ିକ ଛାତ୍ରୀଙ୍କ ମୃତ୍ୟୁ ପାଇଁ କେଉଁ କେଉଁମାନେ ଦାୟୀ, ସେନେଇ ତଥ୍ୟ ସଂଗ୍ରହ କରୁଛନ୍ତି। ଯଦିଓ ତଦନ୍ତକାରୀ ଅଧିକାରୀମାନେ ଗଣମାଧ୍ୟମ ଆଗରେ କିଛି କହୁ ନାହାନ୍ତି, ସେମାନେ ଘଟଣା ସଂକ୍ରାନ୍ତରେ ଅନେକ ତଥ୍ୟ ହାସଲ କରିସାରିଥିବା ବିଶ୍ବସ୍ତସୂତ୍ରରୁ ଖବର ମିଳିଛି।
