ରାଉରକେଲା: ବାଇକରେ ଆସି ଛେଳି ବ୍ୟବସାୟୀଙ୍କୁ ଗୁଳି । ସୁନ୍ଦରଗଡ଼ ଜିଲ୍ଲା ଲେଫ୍ରିପଡା ଛଟେନପାଲି ନିକଟରେ ଲୁଟ ପାଇଁ ଜଣେ ବ୍ୟବସାୟୀଙ୍କୁ ଗୁଳିକରି ହତ୍ୟା । ଵାଇକରେ ତିନି ଦୁର୍ବୃତ୍ତ ଆସି ଗୁଳି କରି ଛେଳି ଵ୍ୟଵସାୟୀ ପ୍ରଭାତ ନାୟକଙ୍କୁ ହତ୍ୟା କରିବା ପରେ ବ୍ୟବସାୟୀଙ୍କ ନିକଟରୁ ୯ ଲକ୍ଷ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି । ସୂଚନା ପାଇବା ପରେ ଲେଫ୍ରିପଡା ଥାନା ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି। ୩ ଲୁଟେରା ଫେରାର ଥିବା ବେଳେ ଟଙ୍କା ସେମାନଙ୍କୁ ଚିହ୍ନଟ କରି ଗିରଫ କରିବାକୁ ପୋଲିସ ଉଦ୍ୟମ ଜାରି ରଖିଛି । ମୃତଦେହ ସୁନ୍ଦରଗଡ ଡାକ୍ତରଖାନାର ମର୍ଗ ହାଉସରେ ରଖାଯାଇଛି। ମୃତକ ଛେଳି ଵ୍ୟଵସାୟୀ ଜଣକ ହାଟକୁ ଛେଳି କିଣିବା ପାଇଁ ଯାଉଥିବା ବେଳେ ଏହି ଗୁଳିମାଡ ହୋଇଥିବା ଅଭିଯୋଗ ହୋଇଛି।
