ଜମ୍ମୁ : ପୁଣି ଆରମ୍ଭ ହେଲା ମାତା ବୈଷ୍ଣୋଦେବୀଙ୍କ ଯାତ୍ରା । ଜମ୍ମୁ କାଶ୍ମୀରରେ ଖରାପ ପାଗ, ପ୍ରବଳ ବର୍ଷା, ଭୂସ୍ଖଳନ ଭଳି ପ୍ରାକୃତିକ ଘଟଣା ପାଇଁ ମାତା ବୈଷ୍ଣୋଦେବୀଙ୍କ ଯାତ୍ରାକୁ ବନ୍ଦ କରିଥିଲା ପ୍ରଶାସନ । ୨୨ ଦିନ ଧରି ବନ୍ଦ ରହିବା ପରେ ଆଜିଠୁ ପୁଣି ଆରମ୍ଭ ହୋଇଛି ଯାତ୍ରା । ଦେଶର କୋଣ ଅନୁକୋଣରୁ ଶ୍ରଦ୍ଧାଳୁଙ୍କ ଭିଡ ମାଙ୍କ ଦର୍ଶନ ଲାଗି ଜମିଛି । ତେବେ ସୂଚନା ରହିଛି କି , ଅଗଷ୍ଟ ୨୬ ଠାରୁ ମାତା ବୈଷ୍ଣୋଦେବୀଙ୍କ ଯାତ୍ରାକୁ ବନ୍ଦ କରାଯାଇଥିଲା । ତେବେ ଜମ୍ମୁ କାଶ୍ମୀରରେ ଭୂସ୍ଖଳନ ଯୋଗୁଁ ୩୪ ଜଣ ଶ୍ରଦ୍ଧାଳୁଙ୍କ ଜୀବନ ଗଲାଣି । ଏହା ପରେ ଖରାପ ପାଗ ଯୋଗୁ ଲଗାତାର ଭୂସ୍ଖଳନ ହେବା ଫଳରେ ମାତା ବୈଷ୍ଣୋଦେବୀଙ୍କର ଦର୍ଶନକୁ ସ୍ଥଗିତ ରଖାଯାଇଥିଲା । ଆଜି ପୁଣି ଥରେ ମାଙ୍କ ଦର୍ଶନ ପାଇଁ ଆରମ୍ଭ ହୋଇଛି ଯାତ୍ରା ।
