ପାରାଦୀପ : ପାରାଦୀପ ବଡପଡିଆ ଛକ ନିକଟ ଅଟୋଷ୍ଟାଣ୍ଡ ରେ ବିଭତ୍ସ ହତ୍ୟାକାଣ୍ଡ।କେହି ଦୁର୍ବୁତ୍ତ ଯୁବକର ତଣ୍ଟି କାଟି ହତ୍ୟା କରିଥିବା ନେଇ ସନ୍ଦେହ। ଯୁବକ ଜଣଙ୍କ ପାରାଦୀପ ସ୍ଥିତ ହୋଟେଲ ରେବିକାରେ ରହି ୨୦ଦିନ ହେବ କାମ କରୁଥିଲେ। ତେବେ ଗତକାଲି ବିଳମ୍ବିତ ରାତିରେ ତାଙ୍କର ହତ୍ୟା ହୋଇଥିବା ବେଳେ ତାର ଶବ ରେବିକା ହୋଟେଲ ପଛପଟ ଅଟୋଷ୍ଟାଣ୍ଡ ରେ ପଡିରହିଛି। ତେବେ ଯୁବକର ପରିଚୟ କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇ ବ୍ଲକ ଗଣ୍ଡାଖିଆ ଲୋକନାଥ ପୁର ଗ୍ରାମର ଶ୍ରୀଚରଣ ଜେନାଙ୍କ ପୁଅ ଟୁବୁଲି ଜେନା ବୟସ ୨୫ ବୋଲି ଜଣାପଡିଛି। ସୂଚନାନୁଯାୟୀ ଟୁବୁଲି ୨୦ଦିନ ହେବ ପାରାଦୀପ ସ୍ଥିତ ରେବୀକା ହୋଟେଲରେ କାମ କରି ଆସୁଥିଲା। ହେଲେ ସେ ଗତକାଲି ଫୋନରେ କାହା ସହିତ ଗାଳିଗୁଲଜ କରୁଥିବାର ହୋଟେଲର ଅନ୍ୟ କର୍ମଚାରୀ ମାନେ ଦେଖିଥିଲେ। ତେବେ ଗତକାଲି ରାତି ୧୨ଟା ପରେ ସମସ୍ତେ ଖାଇ ପି ଶୋଇବା ପରେ ସକାଳୁ ହୋଟେଲ ପଛପଟ ଅଟୋ ଷ୍ଟାଣ୍ଡ ମଣ୍ଡପ ଉପରେ ରକ୍ତ ଜୁଡୁବୁଡୁ ଅବସ୍ଥାରେ ତାର ମୃତଦେହ ପଡ ରହିଛି। ତେବେ ତାର ବେକ କୌଣସି ଧାରୁଆ ଅସ୍ତ୍ର ରେ କଟା ହୋଇଥିବା ବେଳେ ଘଟଣା ସ୍ଥଳରେ ପାରାଦୀପ ଆଦର୍ଶ ଥାନା ପୋଲିସ ପହଞ୍ଚି ଘଟଣାର ତଦନ୍ତ ଚଳାଇଛି।
