ଭୁବନେଶ୍ୱର: ରାଜରାସ୍ତାରେ ଆଶାକର୍ମୀ । ବାରମ୍ବାର ଦାବି ପୂରଣ ନେଇ ଅଭିଯୋଗ କରିଥିଲେ ମଧ୍ୟ ସରକାର କର୍ଣ୍ଣପାତ କରୁନାହାନ୍ତି । ରାଜ୍ୟ ସରକାର ପ୍ରୋତ୍ସାହନ ରାଶି ବନ୍ଦ କରନ୍ତୁ । ଯେଉଁ ମୁଖ୍ୟ ଦାବି ରହିଛି ସରକାରୀ ମାନ୍ୟତା ସରକାର ଖୁବ ଶୀଘ୍ର ପୂରଣ କରନ୍ତୁ । ଏହା ସହ ମାସିକ ୧୮ ହଜାର ଟଙ୍କା ଦରମା , ବୀମା, ପେନସନ ଲାଗୁ କରାଯାଉ , ସାମାଜିକ ସୁରକ୍ଷା ପ୍ରଦାନ କରିବା ପାଇଁ ଦାବି କରିଛି ସଂଘ । ସରକାର ଯେଉଁଭଳି ଭାବେ ଆଶା କର୍ମୀଙ୍କୁ ଖଟାଉଛନ୍ତି ତେଣୁ ସମାନ କାମକୁ ସମାନ ଦରମା ମଧ୍ୟ ପ୍ରଦାନ କରିବା ନେଇ ସଂଘ ଉଲ୍ଲେଖ କରିଛି । ବାରମ୍ବାର ଏ ନେଇ ଦାବିକଲେ ସୁଧା ସରକାର ପୂରଣ କରୁନାହାନ୍ତି । ମିଛ ପ୍ରତିଶ୍ରୁତି ଦେଇ କେବଳ ଠକି ଚାଲିଛନ୍ତି । ଯଦି ଦାବି ପୂରଣ ନ ହୁଏ ଆଗାମୀ ଦିନରେ ଅନିର୍ଦ୍ଦିଷ୍ଟ କାଳ ପାଇଁ କାର୍ଯ୍ୟ ବନ୍ଦକରିବା ନେଇ ଚେତାବନୀ ଦେଇଛନ୍ତି ଆଶାକର୍ମୀ । ସମସ୍ତ ସ୍ୱାସ୍ଥ୍ୟ ଭିତ୍ତିକ କାର୍ଯ୍ୟ ନ କରିବା ପାଇଁ ଚେତାବନୀ । ଯଦି ଦାବି ପୂରଣ ନ ହୁଏ ତେବେ ଏହାର ଜବାବ ୨୦୨୪ ନିର୍ବଚନରେ ଦିଆଯିବ ବୋଲି କହିଛନ୍ତି ଆଶାକର୍ମୀ ।
