ଭୁବନେଶ୍ୱର : ନାଁ ନ ନେଇ ଅରୁଣ ଓ ଅତନୁଙ୍କୁ ଧୂମ ଧୁଲେଇ କଲେ ସୈାମ୍ୟ । ସୈାମ୍ୟଙ୍କୁ ନେଇ ଏବେ ରାଜନୀତି ସରଗରମ । ହଁ ଆଜ୍ଞା ସୈାମ୍ୟ ପଟ୍ଟନାୟକ ପୁରା ମୁହଁ ଖୋଲିଛନ୍ତି । ଶାସକ ଦଳର ବିଧାୟକ ହୋଇ ମଧ୍ୟ ଦଳ ପ୍ରତି ନାହିଁ ତାଙ୍କର ଟିକେ ବି ଲୋଭ । ଦଳ ବିରୋଧୀ କାର୍ଯ୍ୟ କରିବା ସହ ଶାସକ ଦଳ ପ୍ରତି ଅଣଦେଖା ଥିବା ନେଇ କୁଆଡେ ଏବେ ଆଲୋଚନା ଜୋର ଧରିଲାଣି । ଆଜି ସୈାମ୍ୟ ରଞ୍ଜନ ପଟ୍ଟନାୟକ ଅରୁଣ ସାହୁ ଓ ଅତନୁ ସବ୍ୟସାଚୀଙ୍କ ନାଁ ନ ନେଇ ଜବାବ ରଖିଛନ୍ତି । ସୈାମ୍ୟ କହିଛନ୍ତି , ଉତ୍ଥର ଦେଇ ସେମାନଙ୍କ ଗୁରୁତ୍ୱ ବଢାଇବାକୁ ଚାହୁଁନି । ସେମାନଙ୍କ ପାଖରେ ଶବ୍ଦର ଅଭାବ , ବ୍ଲାକମେଲିଂ ବ୍ଲାକମେଲିଂ ହେଉଛନ୍ତି । ତେଣୁ ସେମାନଙ୍କ କଥାର ଉତ୍ତର ଦେଇ ତାଙ୍କ ଗୁରୁତ୍ୱ ବଢାଇବାକୁ ଚାହୁଁନି । ସେମାନେ ଏସବୁ କଥା ମନରୁ କହୁଥିବା ମଧ୍ୟ ବିଶ୍ୱାସ ହେଉନି । ଏସବୁ କହିବାକୁ ତାଙ୍କ ଉପରେ କୈାଣସି ବ୍ୟକ୍ତିଙ୍କ ଚାପ ପଡୁଛି । ସେମାନେ କହିବାକୁ ବାଧ୍ୟ ହେଉଛନ୍ତି , ନହେଲେ ପେଟପାଟଣା ବୁଡିଯିବ । ଜଣେ ଥରେ ମନ୍ତ୍ରୀ ପଦ ହରାଇଥିଲେ , ଆଉ ଥରେ ହରାଇପାରନ୍ତି । ଜଣେ ମନ୍ତ୍ରୀ ପଦ ହରାଇ , ପୁଣି ସେହି ମନ୍ତ୍ରୀ ପଦ କଥା କହିଲେ । ଆଉ ଜଣେ ମନ୍ତ୍ରୀ ପଦ ହରାଇବେ ବୋଲି ଡରି ଏକଥା କହୁଛନ୍ତି । ଏ ନେତା ଏତେ ଅସହାୟ ଯେ , ଯାହା ଉପରୁ କୁହାଯାଉଛି , ସେୟା କହୁଛନ୍ତି । ବିଜେଡି ଲୋକ ଜାଣିଛନ୍ତି ଦଳର ସ୍ୱାର୍ଥ ପାଇଁ କଣ ହେବା ଦରକାର । ଦଳର ସ୍ୱାର୍ଥ ପାଇଁ କହୁଛି , କାହା ମନକୁ ନ ପାଇଲା କିଛି କହିବାର ନାହିଁ । ମୁଁ ବିଜେଡିର ସ୍ୱାର୍ଥ ଓଡିଶାର ସ୍ୱାର୍ଥ ପାଇଁ କହୁଛି ।
