ରାଉରକେଲା : ଧରାପଡିଲେ ଟିଉସନ ମାଷ୍ଟର । ନାବାଳିକା ଛାତ୍ରୀଙ୍କୁ ନେଇ ଫେରାର ହୋଇଥିବା ଘଟଣାରେ ଟିଉସନ ସାର୍ ଯୋଗେଶ ଶର୍ମୀଙ୍କୁ ଗିରଫ କରିଛି ପୋଲିସ । ସୂଚନା ଅନୁଯାୟୀ, ଏପରି ଘଟଣା ଘଟିଛି ସୁନ୍ଦରଗଡ଼ କୁତ୍ରା ଥାନା ଅଞ୍ଚଳରେ । ଗତ ୫ ତାରିଖ ଦିନ ନାବାଳିକାଙ୍କୁ ନେଇ କେଉଁଆଡେ ଫେରାର ହୋଇଯାଇଥିଲେ ଟିଉସନ ସାର୍ । ପରିବାରର ଅଭିଯୋଗ ପରେ ଖୋଜାଖୋଜି ଆରମ୍ଭ କରିଥିଲା ପୋଲିସ । ଶେଷରେ ଟିଉସନ୍ ସାର୍ଙ୍କୁ ବାନ୍ଧିଛି ପୋଲିସ । ବିହାର ରାଜ୍ୟର ସିବାନ ଜିଲ୍ଲା କରୁଆ ଅଞ୍ଚଳର ଏକ ଭଡ଼ାଘରୁ ନାବାଳିକାଙ୍କୁ ଛାତ୍ରୀଙ୍କୁ ସୁରକ୍ଷିତ ଭାବେ ଉଦ୍ଧାର କରିଛି ପୋଲିସ । ଗିରଫ ପରେ ପୋଲିସକୁ ଅନେକ ତଥ୍ୟ ମିଳିଛି । ନାବାଳିକାଙ୍କୁ ନେଇ ଫେରାର ହେବା ପରେ ଟିଉସନ ସାର୍ ତାଙ୍କୁ ବିବାହ ମଧ୍ୟ କରିଛନ୍ତି । ତାଙ୍କ ମଥାରେ ସିନ୍ଦୁର ଓ ଶଙ୍ଖା ଦେଇ ବିବାହ କରିଛନ୍ତି ଟିଉସନ ସାର୍। ସେପଟେ କୁତ୍ରା ଥାନା ପୋଲିସ ଅଭିଯୁକ୍ତ ଟିଉସନ ସାର୍ଙ୍କୁ କୋର୍ଟ ଚାଲାଣ କରିଛି ।
