ନୂଆଦିଲ୍ଲୀ : ଦିଲ୍ଲୀରେ ନୂଆ ସରକାର ଗଠନ ହୋଇଛି । ଗୁରୁବାର ରାତିରେ ପ୍ରଥମ କ୍ୟାବିନେଟ୍ ବୈଠକ ମଧ୍ୟ ବସିଥିଲା । ଏବେ ବିଜେପି ସରକାର ଆଗରେ ନିଜର ପ୍ରତିଶ୍ରୁତି ପୂରଣ କରିବାର ଚ୍ୟାଲେଞ୍ଜ ରହିଛି । ଏହାରି ମଧ୍ୟରେ ସୂଚନା ରହିଛି ଯେ ଦିଲ୍ଲୀବାସୀଙ୍କୁ ହୋଲି ଏବଂ ଦୀପାବଳିରେ ମାଗଣା ସିଲିଣ୍ଡର ଦେବାକୁ ସରକାର ପ୍ରସ୍ତୁତିରେ ଲାଗିପଡ଼ିଛନ୍ତି ।କ୍ୟାବିନେଟ୍ ମନ୍ତ୍ରୀ ମଞ୍ଜିନ୍ଦର ସିଂ ସିରସା କହିଛନ୍ତି, ଆଗାମୀ ଦୁଇ ଦିନ ମଧ୍ୟରେ ଅନୁଷ୍ଠିତ ହେବାକୁ ଥିବା କ୍ୟାବିନେଟ୍ ବୈଠକରେ ଏ ବିଷୟରେ ନିଷ୍ପତ୍ତି ନିଆଯିବ । ଏହା ସହିତ ବର୍ଷର ଅନ୍ୟ ୧୦ଟି ସିଲିଣ୍ଡର ୫୦୦ ଟଙ୍କା ମୂଲ୍ୟରେ ଉପଲବ୍ଧ କରାଇବା ପାଇଁ ଯୋଜନା ପ୍ରସ୍ତୁତ କରାଯାଉଛି ।
