ମୁମ୍ବାଇ: କପୁରଙ୍କ ରିଆଲିଟି ଶୋ’ ଲକ୍ ଅପ୍ ଆରମ୍ଭ ହୋଇଯାଇଛି । ଏହି ଶୋ ଦୁଇ ସପ୍ତାହରୁ ଧରି ଆରମ୍ଭ ହେଲାଣି । ଶୋ’ରେ ହୋଷ୍ଟ ହେଉଛନ୍ତି କଣ୍ଟ୍ରୋଭର୍ସି କୁଇନ୍ କଙ୍ଗନା ରଣାୱତ୍ । ଏହି ରିଆଲିଟି ଶୋ’ରେ ଏଭଳି କିଛି ବ୍ୟକ୍ତିଙ୍କୁ ନିଆଯାଇଛି, ଯାହାଙ୍କ ନାମ କିଛି ବିବାଦ ସହ ଜଡିତ ରହିଛି । ସେଲିବ୍ରିଟି ପ୍ରତିଯୋଗୀମାନଙ୍କୁ ୭୨ ଦିନ ଧରି କଙ୍ଗନାଙ୍କ ଜେଲ୍ ଭିତରେ ଭର୍ତ୍ତି କରାଯାଇଛି । ବିଗ୍ବସ୍ ପରି ଏଥିରେ ମଧ୍ୟ ନିଜ ନିଜ ମଧ୍ୟରେ ଝଗଡା ଓ ଯୁକ୍ତିତର୍କ ମଧ୍ୟ ଲାଗୁଛି । ପ୍ରତିଦିନ ଖେଳଟି ରୋମାଞ୍ଚକର ହେବାରେ ଲାଗିଛି । ହେଲେ ଟାଇମ୍ସ ଅଫ୍ ଇଣ୍ଡିଆ ରିପୋର୍ଟ ଅନୁଯାୟୀ ଏହି ଶନିବାର ଶୋ’ରେ ପ୍ରତିଯୋଗୀ ତହସିନ ପୁନାୱାଲାଙ୍କୁ ବାହାର କରାଯାଇଛି । କଙ୍ଗନାଙ୍କ ଜେଲରୁ ତହସିନ ପୁନାୱାଲା ଦ୍ୱିତୀୟ ପ୍ରତିଯୋଗୀ ଭାବେ ବାହାରିଛନ୍ତି । କାରଣ ଏହାପୂର୍ବରୁ ସ୍ବାମୀ ଚକ୍ରପାନିଙ୍କୁ ଶୋ’ରୁ ବାହାର କରାଯାଇଥିଲା। ଶୋ’ ଛାଡିବା ପୂର୍ବରୁ ତହସିନ ଏପରି କିଛି ଖୁଲାସା କରିଛନ୍ତି, ଯାହା ସମସ୍ତଙ୍କୁ ଆଶ୍ଚର୍ୟ୍ୟ କରି ଦେଇଥିଲା ।
