ତେଲକୋଇ : ଜଳ ପ୍ରପାତରେ ୨ ସାଙ୍ଗଙ୍କ ଆଗରେ ଭାସିଗଲେ ଯୁବକ । ସୀମାନ୍ତ ଅନୁଗୁଳ ଜିଲ୍ଲା ପାଲଲହଡା ଗର୍ଜନଖୋଳ ଜଳପ୍ରପାତରେ ଭାସିଗଲେ । ୨ ସାଙ୍ଗ ଗାଧୋଉଥିବା ବେଳେ ପ୍ରଖର ସ୍ରୋତରେ ଭାସି ଯୁବକ ନିଖୋଜ । ବାଂଶପାଳ ଦମକଳ ବାହିନୀ ପକ୍ଷରୁ ଖାଜାଖୋଜି ଜାରି ।
ସୂଚନା ଅନୁଯାୟୀ, ଗତ ୨୯ ତାରିଖରେ କେନ୍ଦୁଝର ଜିଲ୍ଲା ବାଂଶପାଳ ବ୍ଲକର ବାଲରାଇ ଗାଁରୁ ୨ଜଣ ଓ ଗୋପପୁର ଗାଁର ଜଣେ ସାଙ୍ଗ ଏକାଠି ହୋଇ ନଗୀରା ଗର୍ଜନ ଖଲ ଜଳପ୍ରପାତ ବୁଲିବାକୁ ଯାଇ ସେଠାରେ ଗାଧୋଇଥିଲେ । ଏହି ସମୟରେ ବାଲରାଇ ଗାଁର ଲିପୁନ୍ କୁମାର ବେହେରା ସେଠାରେ ବୁଡ଼ି ନିଖୋଜ ହୋଇଯାଇଥିଲେ । ଖବର ପାଇ ବାଂଶପାଳର ଦମକଳ ବାହିନୀ ସେଠାରେ ପହଞ୍ଚି ଖୋଜାଖୋଜି ଜାରି ରଖିଥିବା ବେଳେ, ସନ୍ଧ୍ୟା ହୋଇ ଯିବାରୁ ଖୋଜିବା କାର୍ୟ୍ୟ ବନ୍ଦ ରଖାଯାଇଛି । ଆଜି ସକାଳୁ ପୁନର୍ବାର ଖୋଜିବା କାର୍ୟ୍ୟ ଆରମ୍ଭ କରାଯାଇଥିଲେ ହେଁ ଲିପୁନଙ୍କ ସନ୍ଧାନ ମିଳି ନଥିବା କହିଛନ୍ତି ଦମକଳ ବାହିନୀ । ଏହି ଜଳପ୍ରପାତ ବହୁ ଗଭୀର ଥିବାରୁ ଖୋଜିବା କାର୍ୟ୍ୟ ବାଧାପ୍ରାପ୍ତ ହେଉଥିବା ସୂଚନା ମିଳିଛି ।
