ନୂଆଦିଲ୍ଲୀ : ବ୍ରିଟେନରେ ଜନ୍ମ ହୋଇଥିବା ଶିଶୁକନ୍ୟା ଏବେ ଚର୍ଚ୍ଚାରେ । ୨୮ ଫେବ୍ରୁଆରୀରେ ଜନ୍ମ ହୋଇଥିବା ଏହି ସିଶୁ କନ୍ୟା ୩-୬ମାସର ପିଲାଙ୍କ ପୋଷାକ ପିନ୍ଧିଛି । କାରଣ ଏହି ନବଜାତ ଶିଶୁ କନ୍ୟାର ଓଜନ ୫ କେଜି ୬୦୦ ଗ୍ରାମ । ଯାହାକୁ ନେଇ ଚର୍ଚ୍ଚା ଜୋର ଧରିଛି । କାରଣ ପ୍ରଥମ କରି ୧୯୯୨ରେ ୭ କେଜି ୩୦ ଗ୍ରାମର ନବଜାତ ଶିଶୁ ଜନ୍ମ ହୋଇଥିଲା । ୨୦୧୩ରେ ୭ କେଜି ୦୦୨ ଗ୍ରାମ ଓଜନର ନବଜାତ ଶିଶୁ ଜନ୍ମ ହୋଇଥିଲା । ଏହା ପରେ କେହି ବି ଏତେ ଓଜନର ଶିଶୁ ଜନ୍ମ ହୋଇ ନାହାନ୍ତି ।
ତେବେ ୂବର୍ତ୍ତମାନ ବ୍ରିଟେନରେ ଜନ୍ମ ହୋଇଥିବା ନବଜାତ ଶିଶୁଟିର ନାମ ତାବିଥା । ତାବିଥାଙ୍କ ମାଙ୍କ ନାମ ରୁଥ । ତାବିଥା ଘରେ ଜନ୍ମ ହୋଇଛନ୍ତି । ତାଙ୍କ ଘର ହସ୍ପିଟାଲଠୁ କିଛି ଦୂରରେ ରହିଛି । ତାବିଥାଙ୍କ ଜନ୍ମ ଅଢେଇ ସପ୍ତାହ ଡେରିରେ ହୋଇଛି । ସାଢେ ଆଠ ଘଣ୍ଟାର ଲେବର ପେନ ସହିବା ପରେ ଜନ୍ମ ହୋଇଥିଲେ ତାବିଥା । ତେବେ ତାବିଥାଙ୍କ ମା ରୁଥି କହିଛନ୍ତି କି ଏତେ ଅଧିକ ଓଜନର ପିଲା ସେ କେବେ ବି ଆଗରୁ ଦେଖି ନ ଥିଲେ । ସେ ତାବିଥାଙ୍କୁ ଜନ୍ମ ଦେବା ପରେ ସୁସ୍ଥ ଅଛନ୍ତି ।
