ଜଳେଶ୍ୱର : ଏଟିଏମରୁ ଲକ୍ଷାଧିକ ଟଙ୍କା ଲୁଟ୍ । ବିଳମ୍ୱିତ ରାତିଲେ ମାତିଲେ ଲୁଟେରା । ଗ୍ୟାସ କଟରରେ ଏଟିଏମକୁ କାଟି ଦୁର୍ବୃତ୍ତମାନେ ଲୁଟି ନେଇଛନ୍ତି ଲକ୍ଷାଧିକ ଟଙ୍କା । ଏହାସହ ଏଟିଏମ ମେସିନକୁ ବି ଜାଳିଦେଇଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଜାରି ରଖିଛି । ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ବସ୍ତା ଥାନା ରାଜଘାଟ ପବନ ମାର୍କେଟରେ ଥିବା ହିଟାଚି ଏଟିଏମ କେହି ଦୁର୍ବୃତ୍ତ ଗ୍ୟାସ କଟରରେ କାଟି ଲକ୍ଷାଧିକ ଟଙ୍କା ଲୁଟି ନେଇଥିଲା ବେଳେ ସମ୍ପୂର୍ଣ ଏଟିଏମ ମେସିନକୁ ଜାଳି ଦେଇ ପଳାଇଥିଲେ । ଏଟିଏମ ଭିତରେ ନିଆଁ ଜଳୁଥିବା ଦେଖି ସ୍ଥାନୀୟ ଲୋକମାନେ ବସ୍ତା ଅଗ୍ନିଶମ ବିଭାଗକୁ ଖବର ଦେଇଥିଲେ । ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲା ।
