ନୂଆଦିଲ୍ଲୀ : ଦିଲ୍ଲୀରୁ ଇନ୍ଦୋର ଯାଉଥିବା ଏୟାର ଇଣ୍ଡିଆ ବିମାନରେ ଲାଗିଲା ନିଆଁ । ଦିଲ୍ଲୀରୁ ଇନ୍ଦୋର ଯାଉଥିବା ଏୟାର ଇଣ୍ଡିଆ ଫ୍ଲାଇଟ୍ AI2913 ଉଡ଼ାଣ ଆରମ୍ଭ ହେବାର କିଛି ସମୟ ପରେ ଦିଲ୍ଲୀ ଫେରିବାକୁ ପଡିଲା । ବିମାନର କକପିଟ୍ କ୍ରୁ ଡାହାଣ ଇଞ୍ଜିନରେ ନିଆଁ ଲାଗିବାର ସଙ୍କେତ ପାଇଥିଲେ, ଯାହା ପରେ ଇଞ୍ଜିନକୁ ବନ୍ଦ କରିଦିଆଯାଇଥିଲା ଏବଂ ବିମାନଟିକୁ ନିରାପଦରେ ଦିଲ୍ଲୀ ବିମାନବନ୍ଦରରେ ଅବତରଣ କରାଯାଇଥିଲା । ଏୟାର ଇଣ୍ଡିଆର ଜଣେ ମୁଖପାତ୍ର କହିଛନ୍ତି ଯେ ବିମାନଟିକୁ ତଦନ୍ତ ପାଇଁ ଅଟକ ରଖାଯାଇଛି । ଯାତ୍ରୀମାନଙ୍କ ସୁବିଧା ପାଇଁ, ତୁରନ୍ତ ଏକ ବିକଳ୍ପ ବିମାନ ଉପଲବ୍ଧ କରାଯାଇଛି, ଯାହା ସେମାନଙ୍କୁ ଇନ୍ଦୋର ପଠାଇବ । ଯାତ୍ରୀମାନଙ୍କ ସୁବିଧା ପାଇଁ ତୁରନ୍ତ ଏକ ବିକଳ୍ପ ବିମାନ ଉପଲବ୍ଧ କରାଯାଇଛି, ଯାହା ସେମାନଙ୍କୁ ଇନ୍ଦୋର ପଠାଇବ। ଆଲାର୍ମ ବାଜିବା ମାତ୍ରେ ଏବଂ କକପିଟରେ ନିଆଁ ଲାଗିବାର ସଙ୍କେତ ମିଳିବା ମାତ୍ରେ ବିମାନରେ ବସିଥିବା ଯାତ୍ରୀମାନଙ୍କ ମଧ୍ୟରେ ଆତଙ୍କ ଖେଳିଗଲା । କିନ୍ତୁ ପାଇଲଟ୍ ତୁରନ୍ତ ଆବଶ୍ୟକୀୟ ସତର୍କତା ଅବଲମ୍ବନ କରି ଇଞ୍ଜିନକୁ ବନ୍ଦ କରି ବିମାନକୁ ଆକାଶରେ ନିୟନ୍ତ୍ରଣରେ ରଖିଥିଲେ । ଏହା ପରେ ପାଇଲଟ୍ ଦିଲ୍ଲୀ ବିମାନବନ୍ଦରରେ ବିମାନକୁ ସୁରକ୍ଷିତ ଭାବରେ ଅବତରଣ କରିଥିଲେ । କିଛି ମିନିଟ୍ ମଧ୍ୟରେ ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବରେ ବାହାର କରାଯାଇଥିଲା ।
