ଇନ୍ଦୋର : ମଧ୍ୟପ୍ରଦେଶ ଇନ୍ଦୋରର ଭାଗିରଥପୁର ଅଞ୍ଚଳରେ ସଂକ୍ରମିତ ଜଳ ସଙ୍କଟ ଭୟଙ୍କର ରୂପ ନେଇଛି । ଦୂଷିତ ପାଣି ପିଇ ଅଞ୍ଚଳରେ ୧୦ ଜଣଙ୍କର ମୃତ୍ୟୁ ହୋଇଥିବା ବେଳେ ୨୦୦ରୁ ଅଧିକ ଲୋକ ଅସୁସ୍ଥ ହୋଇଛନ୍ତି । ୫୦୦ରୁ ଅଧିକ ଲୋକଙ୍କ ବାନ୍ତି ଏବଂ ଝାଡା ହେଉଥିବା ବେଳେ ୨୦୦ ଲୋକ ହସପିଟାଲରେ ଭର୍ତ୍ତି ହୋଇଛନ୍ତି । ୩୨ ଜଣ ଆଇସିୟୁରେ ଜୀବନ ସହିତ ଲଢୁଛନ୍ତି । ଖବର ମୁତାବକ, ଗୁରୁବାର ଦିନ ଭାଗିରଥିପୁରର ୧୭୧୪ ଘରକୁ ଯାଇ ଯାଞ୍ଚ କରାଯାଇଥିଲା । ୮୬୭୧ ଲୋକଙ୍କୁ ଯାଂଚ ପାଇଁ ପଠାଯାଇଥିଲା । ଏମାନଙ୍କ ମଧ୍ୟରୁ ୩୩୮ ଜଣ ଝାଡା ବାନ୍ତି ଲକ୍ଷଣ ଥିବା ଜଣାପଡିଥିଲା । ଏମାନଙ୍କୁ ଉପଚାର କରାଯାଇ ସମସ୍ତଙ୍କ ଉପରେ ଧ୍ୟାନ ରଖାଯାଇଛି ।
