ନୂଆଦିଲ୍ଲୀ : ଗୁରୁବାର ସକାଳେ ଇଟାଲୀର ମିଲାନ ସହରରେ ଏକ ବଡ଼ ବିସ୍ଫୋରଣ ହୋଇଥିଲା, ଯାହା ପରେ ଅନେକ ଗାଡିରେ ନିଆଁରେ ଜଳିଯାଇଥିଲା । ସ୍କାଏ ଞଏ୨୪ ର ରିପୋର୍ଟ ଅନୁଯାୟୀ, ସହରର ଏକ ଗାଡିରେ ଏହି ବିସ୍ଫୋରଣ ଘଟିଛି। ଏହା ପରେ ନିକଟସ୍ଥ ପାର୍କିଂ ହୋଇଥିବା ଗାଡିଗୁଡ଼ିକରେ ନିଆଁ ଲାଗିଥିଲା ଏବଂ ଆକାଶରେ ଧୂଆଁ ଖେଳିଯାଇଥିଲା । ମିଲାନ ସହରରେ ହୋଇଥିବା ଏହି ବିସ୍ଫୋରଣର ହୃଦୟ ବିଦାରକ ଭିଡିଓ ମଧ୍ୟ ଭାଇରାଲ ହେବାରେ ଲାଗିଛି, ଯେଉଁଥିରେ ଯାନବାହନ ଜଳୁଥିବା ଏବଂ ଲୋକମାନେ ନିଆଁରୁ ଦୈାଡ଼ି ପଳାଉଥିବାର ଦୃଶ୍ୟ ଦେଖାଯାଉଛି । ସୂଚନା ଅନୁଯାୟୀ, ଏହି ଦୁର୍ଘଟଣାରେ ଜଣେ ବ୍ୟକ୍ତି ଆହତ ହୋଇଛନ୍ତି।
ଏହି ଦୁର୍ଘଟଣା ପରେ ରାସ୍ତାଟି ସମ୍ପୂର୍ଣ୍ଣ ବନ୍ଦ ହୋଇଯାଇଛି। ଘଟଣାସ୍ଥଳରେ ପହଞ୍ଚିବା ପରେ ପୋଲିସ ତଦନ୍ତ ଆରମ୍ଭ କରିଛି। ଏହା ବ୍ୟତୀତ ନିଆଁ ଲିଭାଇବା କାମ ମଧ୍ୟ ଚାଲିଛି। ମିଲାନ ସହରର ଜନସଂଖ୍ୟା ପ୍ରାୟ ୧୩ ନିୟୁତ ଥିବାବେଳେ ସହରାଞ୍ଚଳ ୪,୩୦୦,୦୦୦ ଜନସଂଖ୍ୟା ସହିତ ୟୁରୋପୀୟ ୟୁନିଅନର ପଞ୍ଚମ ବୃହତ୍ତମ ଅଟେ । ଇଟାଲୀର ଖବରକାଗଜ ଲା ରେପବ୍ଲିକା ଅନୁଯାୟୀ ମିଲାନାର ପୋର୍ଟା ରୋମାନା ଅଞ୍ଚଳରେ ଏକ କାର ବିସ୍ଫୋରଣ ହୋଇଥିଲା। ଏହା ପରେ କିଛି ଗାଡି ଏବଂ ମୋପେଡରେ ନିଆଁ ଲାଗିଯାଇଥିଲା।
ଅଗ୍ନିକାଣ୍ଡରେ ୫ ଟି ଯାନ ଏବଂ ୪ ଟି ମୋପେଡ୍ ଅଛି ଜଳିଯାଇଛି । ବର୍ତ୍ତମାନ ନିଆଁ ଆପାର୍ଟମେଣ୍ଟ ଏବଂ ଫାର୍ମାସି ଆଡକୁ ବିସ୍ତାର କରୁଛି । ଅଗ୍ନିଶମ କର୍ମଚାରୀମାନେ ପୋର୍ଟା ରୋମାନା ଅଞ୍ଚଳରେ ପହଞ୍ଚିଛନ୍ତି। ପୋଲିସ କର୍ମଚାରୀମାନେ ଏହି ଅଞ୍ଚଳରୁ ଲୋକଙ୍କୁ ହଟାଇ ଦେଇଛନ୍ତି। ଏହା ବ୍ୟତୀତ ନିକଟସ୍ଥ ସ୍କୁଲ ଏବଂ ନର୍ସିଂହୋମକୁ ମଧ୍ୟ ସ୍ଥାନାନ୍ତର କରାଯାଇଛି। ସୋସିଆଲ ମିଡିଆରେ ଭାଇରାଲ ଫୁଟେଜରେ ଏହା ଦେଖିବାକୁ ମିଳୁଛି ଯେ ଲୋକମାନେ ରାସ୍ତାରେ ଦୈାଡୁଛନ୍ତି ଏବଂ ଧୂଆଁ ଚାରିଆଡେ ବ୍ୟାପିଛି।
