ନୂଆଦିଲ୍ଲୀ : ଆମେରିକା ମିସିସିପିରେ ହେଲିକପ୍ଟର ଦୁର୍ଘଟଣାଗ୍ରସ୍ତ । ଏଠାରେ ମେଡିକାଲ ପରିବହନ ନେଇ ଯାଉଥିବା ହେଲିକପ୍ଟର ପାଇଲଟଙ୍କ ସମେତ ଦୁଇଜଣ ହସପିଟାଲ କର୍ମଚାରୀଙ୍କ ମୃତ୍ୟୁ ଘଟିଛି । ଦୁର୍ଘଟଣାରେ କେମିତି ହୋଇଛି, ତାହା ଏପର୍ୟ୍ୟନ୍ତ ଜଣାପଡିନାହିଁ । ତେବେ ହେଲିକପ୍ଟରରେ ଥିବା ସମସ୍ତ ଲୋକଙ୍କ ମୃତ୍ୟୁ ହୋଇଛି ବୋଲି ୟୁନିଭରସିଟି ଅଫ ମିସିସିପି ମେଡିକାଲ ସେଣ୍ଟରରେ ଜଣେ ଅଧିକାରୀ କହିଛନ୍ତି । ଖବର ମୁତାବକ, ଦୁର୍ଘଟଣାଗ୍ରସ୍ତ ହୋଇଥିବା ହେଲିକପ୍ଟରରେ କୌଣସି ରୋଗୀ ନଥିବା ଜଣାପଡିଛି । ଦୁର୍ଘଟଣାରେ ୩ଜଣ ବ୍ୟକ୍ତିଙ୍କର ମୃତ୍ୟୁ ଘଟିଥିବା ଲୋକଙ୍କ ପରିବାରକୁ ସୂଚନା ଦିଆଯାଇଛି । ଗୋପନୀୟତା ହେତୁ ମୃତକଙ୍କ ସମ୍ପର୍କରେ କୌଣସି ଘୋଷଣା କରାଯାଇନାହିଁ । ଏଯାବତ୍ ଦୁର୍ଘଟଣାର କାରଣ ମଧ୍ୟ ଜଣାପଡିନାହିଁ।
