ନୂଆଦିଲ୍ଲୀ : ଆପରେ ଯୋଗ ଦେଲେ ୟୁପିଏସସିର ଖ୍ୟାତିନାମ ଶିକ୍ଷକ ଅବଧ ଓଝା । ଅରବିନ୍ଦ୍ର କେଜରିଓ୍ବାଲ ଏବଂ ମନୀଷ ସିସୋଦିଆଙ୍କ ଉପସ୍ଥିତିରେ ଆପରେ ଯୋଗ ଦେଇଛନ୍ତି ଅବଧ ଓଝା । ଏନେଇ ଦଳ ପକ୍ଷରୁ ଘୋଷଣା କରାଯାଇଛି । ରାଜନୀତିରେ ସୁଯୋଗ ଦେଇଥିବାରୁ ଦଳର ମୁଖ୍ୟ ଅରବିନ୍ଦ କେଜ୍ରିଓ୍ବାଲ ଏବଂ ମନୀଷ ସିସୋଦିଆଙ୍କୁ ଧନ୍ୟବାଦ ଜଣାଇଛନ୍ତି ଅବଧ ଓଝା । ଉତ୍ତରପ୍ରଦେଶ ଗୋଣ୍ଡାରୁ ଆସିଥିବା ଅବଧ ଓଝା ୟୁପିଏସସି ଏବଂ ମୋଟିଭେସନାଲ ସ୍ପିକର ପାଇଁ ଘରେ ଘରେ ପରିଚିତ । ତାଙ୍କର ପୁରା ନାମ ଅବଧ ପ୍ରତାପ ଓଝା ଅଟେ । ତାଙ୍କର ପ୍ରାଥମିକ ଶିକ୍ଷା ଗୋଣ୍ଡାରେ ହୋଇଥିଲା । ସେ ଗୋଣ୍ଡାର ଫତିମା ଇଣ୍ଟର କଲେଜରୁ ଗ୍ରାଜୁଏଟ ହୋଇଛନ୍ତି । ଆସନ୍ତା ଫେବୃୟାରୀରେ ଦିଲ୍ଲୀ ବିଧାନସଭା ନିର୍ବାଚନ ଥିବା ବେଳେ ଅବଧ ଓଝା ପ୍ରାର୍ଥୀ ଭାବରେ ଛିଡା ହୋଇପାରନ୍ତି ବୋଲି ଅନୁମାନ କରାଯାଉଛି । କିଛିଦିନ ପୂର୍ବେ ଅରବିନ୍ଦ କେଜରିଓ୍ବାଲ ସବୁ କ୍ଷେତ୍ରରୁ ଆପ ଏକାକୀ ଲଢିବ ବୋଲି ସୂଚନା ଦେଇଥିଲେ ।
