ଚିତ୍ରକୋଣ୍ଡା : ଆଦିବାସୀ ଅଧ୍ୟୁଷିତ ଆନ୍ଧ୍ର ଓଡିଶା ସୀମା ଉପାନ୍ତ ମାଲକାନଗିରି ଜିଲା ଚିତ୍ରକୋଣ୍ଡା ବ୍ଲକ ଅନ୍ତର୍ଭୁକ୍ତ ସ୍ଵାଭିମାନ ଅଞ୍ଚଳ ରାଲେଗଡ଼ା ଗ୍ରାମ ପଞ୍ଚାୟତକୁ ଚିତ୍ରକୋଣ୍ଡା ବିଡିଓ ଶ୍ରୀଯୁକ୍ତ ରଘୁନାଥ ମୁଣ୍ଡାରୀ, ଏପିଓ ଶ୍ରୀ ଉଛବ ଗିରି ଓ ରାଲେଗଡ଼ା ସରପଞ୍ଚ କମଳୁ ହନ୍ତାଳ ରାଲେଗଡ଼ା ଗ୍ରାମ ପଞ୍ଚାୟତର ବିଭିନ୍ନ ଉନ୍ନୟନ ମୂଳକ କାର୍ୟ୍ୟ ତଦାରଖ କରିବା ପାଇଁ ପରିଦର୍ଶନ କରିଥିଲେ । ରାଲେଗଡ଼ା ଗ୍ରାମ ପଞ୍ଚାୟତ ଏକ ଦୁର୍ଗମ ଜଙ୍ଗଲ ,ପାହାଡ଼,ପର୍ବତ ଏବଂ ଆନ୍ଧ୍ର ପ୍ରଦେଶ ସହ ଲାଗିରହିଛି ।
ଆଜିକୁ ଦେଶ ସ୍ବାଧୀନ ହୋଇ ୭୫ ବର୍ଷ ବିତି ଯାଇଥିଲେ ମଧ୍ୟ କୌଣସି ଓଏଏସ ଅଫିସର ବା ଉଚ୍ଚ ପଦାଧିକାରୀ ଏହି ଯାଜପାଲମ୍ , କକୁଲିଗୁଡା ଭଳି ଗାଁରେ ପାଦ ଦେଇ ନ ଥିଲେ । ରାଲେଗଡ଼ା ଗ୍ରାମ ପଞ୍ଚାୟତର ଜାଜ୍ ପାଲାମ ,କକୁଲିଗୁଡ଼ା ଭଳିଆ ପାହାଡ଼ ପର୍ବତ ଜଙ୍ଗଲ ଭରପୁର ଥିବା ଗାଁରେ ରାସ୍ତା ପହଞ୍ଚିବା ସହ ଓଏଏସ ପଦାଧିକାରୀ ଯାଇ ଲୋକଙ୍କ ଦୁଃଖସୁଖ ବୁଝିଥିବାରୁ ଅଂଚଳ ବାସୀ ଏବଂ ସ୍ଥାନୀୟ ସରପଞ୍ଚ ,ୱାର୍ଡ ମେମ୍ବର ବିଡିଓ ଓ ଏପିଓ ମହୋଦୟଙ୍କୁ କୃତଜ୍ଞତା ଜଣାଇଛନ୍ତି। ଏହା ସହିତ ସାର୍କୁବନ୍ଧ ୫ଟି ସ୍କୁଲ ବୁଲି ଦେଖିଥିଲେ ଏବଂ ଗ୍ରାମବାସୀଙ୍କୁ ସହଯୋଗ କରିବା ପାଇଁ କହିଥିଲେ । ରାଲେଗଡ଼ା ସରପଞ୍ଚ ,ୱାର୍ଡ ମେମ୍ବର ,ପଞ୍ଚାୟତ ବାସୀ ଏହି ପଞ୍ଚାୟତକୁ ବାରମ୍ବାର ପରିଦର୍ଶନ କରିବାକୁ ଅନୁରୋଧ କରିଥିଲେ।
