ନୂଆଦିଲ୍ଲୀ : ଦୀର୍ଘ ଦିନଧରି ଚାଲିଛି ରୁଷ-ୟୁକ୍ରେନ ଯୁଦ୍ଧ । ଯାହା ବନ୍ଦ ହେବାର ନାଁ ଧରୁ ନାହିଁ । ଏହି ଯୁଦ୍ଧ ବନ୍ଦ କରିବାକୁ ଆମେରିକା ରାଷ୍ଟ୍ରପତି ଚାପ ପକାଇଛନ୍ତି । ରାଷ୍ଟ୍ରପତି ଭୋଲୋଡିମିର ଜେଲେନସ୍କି ମଙ୍ଗଳବାର ଦିନ କହିଛନ୍ତି ଯେ ସେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ସହ ଯୁଦ୍ଧବିରତି, ରୁଷ ଉପରେ କଟକଣା ଏବଂ ଆମେରିକା-ୟୁକ୍ରେନ ଡ୍ରୋନ ଚୁକ୍ତିକୁ ଚୂଡ଼ାନ୍ତ କରିବା ବିଷୟରେ ଆଲୋଚନା କରିଛନ୍ତି । ଦୁଇ ନେତା ଏପରି ସମୟରେ କଥା ହୋଇଛନ୍ତି ଯେତେବେଳେ ୟୁକ୍ରେନରେ ଶାନ୍ତି ପାଇଁ ଟ୍ରମ୍ପଙ୍କ ଅଗଷ୍ଟ ୮ ତାରିଖର ସମୟସୀମା ନିକଟତର । ଏହି ସମୟରେ, ସୂଚନା ମଧ୍ୟ ମିଳିଛି ଯେ ରୁଷ ରାଷ୍ଟ୍ରପତି ପୁଟିନ ଟ୍ରମ୍ପଙ୍କ ଚରମବାଣୀ ଆଗରେ ମୁଣ୍ଡ ନୁଆଁଇବା ମନୋଭାବରେ ନାହାନ୍ତି ଯେଉଁଠାରେ ସେ ତାଙ୍କର ଲକ୍ଷ୍ୟ ସ୍ଥିର କରିଛନ୍ତି ।ସେ ଏହା ମଧ୍ୟ କହିଛନ୍ତି ଯେ ଟ୍ରମ୍ପ ଗତ କିଛି ସପ୍ତାହରେ ଭ୍ଲାଦିମିର ପୁଟିନଙ୍କ ପ୍ରତି ଅସନ୍ତୋଷ ପ୍ରକାଶ କରିଛନ୍ତି ଏବଂ ଶାନ୍ତି ପ୍ରତିଷ୍ଠା ପାଇଁ ରୁଷ ରାଷ୍ଟ୍ରପତିଙ୍କୁ ଅଗଷ୍ଟ ୮ ତାରିଖ ପର୍ୟ୍ୟନ୍ତ ସମୟସୀମା ଦେଇଛନ୍ତି, ଯାହା ବିଫଳ ହେଲେ ତାଙ୍କୁ କଠୋର ପ୍ରତିବନ୍ଧକର ସମ୍ମୁଖୀନ ହେବାକୁ ପଡିବ।
