ଚାନ୍ଦବାଲି : ଦୀପାବଳି ପାଇଁ ଆଜି ଆରଡ଼ି ଆଖଣ୍ଡଳମଣି ମନ୍ଦିରରରେ ଉଠିବ ମହାଦୀପ । ମାସ ତମାମ ପଞ୍ଚାନନ ବେଶରେ ଦର୍ଶନ ଦେବେ ବାବାମଣି । ଧର୍ମ ଓ ବ୍ରତର ମାସ କାର୍ତ୍ତିକ ମାସ । ଆଉ ଆଜି ହେଉଛି କାର୍ତ୍ତିକ ମାସର ପ୍ରଥମ ସୋମବାର । ସୋମବାର ଓ ଦୀପାବଳି ଅମାବାସ୍ୟା ହୋଇଥିବାରୁ ସକାଳୁ ସକାଳୁ ଭକ୍ତଙ୍କ ଭିଡ଼ ଲାଗିଲାଣି ଭଦ୍ରକ ଜିଲ୍ଲା ଆରଡ଼ି ଆଖଣ୍ଡଳମଣି ପୀଠରେ । କାର୍ତ୍ତିକ ମାସ ହୋଇଥିବାରୁ ନାମ ସଂକୀର୍ତ୍ତନରେ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି ପୀଠରେ । ଭକ୍ତମାନେ ବାବାଙ୍କ ଦର୍ଶନ କରିବା ସହ ନିଜ ନିଜର ମାନସିକ ଭୋଗ ଲାଗି କରୁଛନ୍ତି । କାର୍ତ୍ତିକ ମାସ ତମାମ ସ୍ୱତନ୍ତ୍ର ନୀତିକାନ୍ତି ଅନୁଷ୍ଠିତ ହେବା ସହ ମାସ ତମାମ ପଞ୍ଚାନନ ବେଶରେ ଭକ୍ତଙ୍କୁ ଦର୍ଶନ ଦେବେ ବାବାମଣି । ଆଜି ଦୀପାବଳି ଅମାବାସ୍ୟା ହୋଇଥିବାରୁ ପୁରାତନ ପରମ୍ପରା ଅନୁସାରେ ଆଜି ରାତ୍ର ନଅ ଘଟିକାରେ ମନ୍ଦିର ଚୂଡ଼ାକୁ ଉଠିବ ମହାଦୀପ । ଯାହାକି ବର୍ଷ ର ଦୁଇ ଥର ମହାଦୀପ ଉଠିଥାଏ ଆରଡ଼ି ଆଖଣ୍ଡଳମଣି ପୀଠରେ ।
